Neendain meri aankhon se churaata hey wohi shakhs

Author Topic: Neendain meri aankhon se churaata hey wohi shakhs  (Read 306 times)

February 19, 2012, 04:49:37 PM
Read 306 times

noshi

  • *******
  • Information
  • AA Grade
  • Posts: 2669
    • View Profile
Neendain meri aankhon se churaata hey wohi shakhs
« on: February 19, 2012, 04:49:37 PM »
Neendain meri aankhon se churaata hey wohi shakhs--
so jaaon tau khaabon main bhi aataa hey wohi shakhs--

jis zakhm ka khaliq bhi koi aur naheen hey --
us zakhm pa marham bhi lagata hey wohi shakhs--

haathon ki lakeeron main bhi talashey wo mujhko--
hathon ki lakeerain bhi mitaata hey wohi shakhs--

rakhta hey mujhey qaid bhi ek band galli main--
rastey bhi niay mujhko sujhata hey wohi shakhs--

har lamha yeh koshish main ussey bhool hi jaaon--
pehlay se siwa yaad bhi aataa hey wohi shakhs--

ham jin se tallab roshinian kartey rahey hain--
aata hey tau shmain bhi bujhata hey wohi shakhs--

jo aaiena main apnay liay dhoond ka laaya--
us main bhi hamesha nazzar aata hey wohi shakhs--

us shakhs ki khaatir hoon main dunia se judaa bhi--
laiken maira dunia se bhi naataa hey wohi shakhs--

jis shakhs kay honay se thi es shehar ki rozaq--
suntay hain kay es shehar se jaataa hey wohi shakhs--




 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40